Фото: Принтскрин
Таткото на трагично загинатата Фросина Кулакова, Тодор Кулаков, упати остри критики кон македонскиот правосуден систем, обвинувајќи дека истиот не создава правда, туку неправди што ја разоруваат довербата на граѓаните и ги оставаат жртвите без вистинска сатисфакција.
За време на денешниот протестен марш, кој го организираше семејството на Фросина како реакција на пресудата од 12 години затвор за возачот Васил Јованов, Кулаков истакна дека системот што треба да обезбеди правда, всушност создава нова болка за семејствата на жртвите.
„Произведува длабоки неправди, произведува голема дехуманизација на целото општество и произведува и стимулира нови и нови Васовци“, рече тој, реферирајќи на правосудството.
