Таравари се „одјави“: Не сакаме да бидеме кукли во Владата

Арбен Таравари, лидерот на Алијансата за Албанците и актуелен министер за здравство, на настан по повод отворањето на изборниот штаб во своето родно место Врапчиште, изјави дека партијата сериозно размислува за напуштање на владината коалиција.

Како што истакна, конечната одлука ќе ја донесат партиските органи, а ваквиот потег доаѓа по, како што рече, разочарувањето од тековните политички состојби.

„Минатата година побаравме поддршка, за да донесеме промени. Но оваа промена, што ја имаме, не е промената што ја очекуваа Албанците. Тоа е неоспорен факт. Владата некако се изгуби на патот кон ЕУ. Гледате каква е состојбата во државната администрација: има исклучителна маргинализација и тенденција Албанците да бидат маргинализирани. Сакаме да не бидеме кукли кога сме во владата“, кажа Таравари.