Фото: Принтскрин
САД и Кина се договорија за значително намалување на царините на меѓусебната стока во период од 90 дена, по преговорите одржани минатиот викенд.
Говорејќи во Женева, американскиот министер за финансии, Скот Бесент, изјави дека „двете страни ќе ги намалат своите царини за 115%“, откако постигнале договор за 90-дневна пауза.
Ова претставува значителна деескалација на трговската војна која ескалираше минатиот месец. Пред денешниот договор, САД ги зголеми царините на кинеската стока до 145% (вклучително и дополнителни 20% воведени за да се ограничи увозот на фентанил во САД), додека Пекинг возврати со царини од 125% на американскиот увоз.
