Фото: Принтскрин
Премиерот Христијан Мицкоски изјави дека во текот на наредната недела ќе оствари состанок со министерот за здравство Арбен Таравари, што ќе претставува нивна последна официјална средба пред Таравари да го напушти министерското место.
Според Мицкоски, оваа средба ќе биде во духот на затворање на соработката во институционална рамка, но тој не ја криеше својата разочараност од одлуката на Таравари да се врати во редовите на ДУИ.
„Јас забележав и ги слушнав тие изјави. Мислам дека Таравари и неколкумина околу него се решени да се вратат кај ДУИ и Али Ахмети. Се надевам дека ќе имаме следната недела завршна средба за да сумираме што имаме направено“, кажа Мицкоски.
