Фото: Принтскрин
Одделението за внатрешни работи Куманово најави дека до Основното јавно обвинителство во Крива Паланка ќе поднесе кривична пријава против 23-годишниот А.А. од Крива Паланка.
Лицето се сомничи за извршување на кривичното дело „мачење животни“, согласно член 233 од Кривичниот законик на Република Македонија.
„На 10.05.2025 во 23.30 часот во ОВР Крива Паланка било пријавено дека на социјална мрежа е објавена видео снимка, на која се гледа како во Крива Паланка, куче било врзано за патничко моторно возило во движење и кучето било принудено да трча. Веднаш по добиената пријава, преземени се соодветни мерки и активности од страна на полициските службеници од ОВР Крива Паланка и било утврдено дека сопственик на возилото и кучето е А.А. (23) од Крива Паланка“, соопштија од МВР.
