Фото: Принтскрин
Во најсериозната ескалација на тензиите меѓу Индија и Пакистан во последните дваесет години, индиските вооружени сили извршија напади врз цели на територијата на Пакистан и спорниот регион Кашмир под пакистанска контрола.
Според индиските власти, нападите биле насочени кон девет позиции што ги опишуваат како бази на „терористичка инфраструктура“, за кои тврдат дека се поврзани со неодамнешниот напад врз хинду верници во индиски Кашмир, при што загинаа 26 лица.
Одговорот од Пакистан не доцнеше – Исламабад тврдеше дека соборил пет индиски борбени авиони, а акцијата ја оцени како „отворен акт на војна“. Според пакистанската влада, цел на нападите биле шест објекти, но не биле логори на милитантни групи. Во нападите животот го загубиле 19 луѓе, меѓу кои и едно дете.
Пакистанските власти соопштија дека инцидентот е пријавен до Советот за безбедност на Обединетите нации, притоа истакнувајќи дека ја задржуваат можноста за пропорционален одговор на индиските акции.
