„Вучиќ го избркаа од САД зашто сакаше да влезе на вечер на Трамп со лажен идентитет“, вели босански министер

Министерот за одбрана на Босна и Херцеговина, Зукан Хелез, излезе со контроверзна изјава во која тврди дека српскиот претседател Александар Вучиќ бил принуден да ја напушти територијата на Соединетите Американски Држави, откако, според него, се обидел да присуствува на донаторска вечера организирана од Републиканскиот национален комитет под лажен идентитет.

Хелез посочува дека Вучиќ претходно најавувал дека неговата посета на САД ќе резултира со средба со поранешниот американски претседател Доналд Трамп. Наместо тоа, вели тој, претседателот на Србија наишол на затворени врати.

„Вучиќ беше подготвен да плати огромна сума за да се сретне со Трамп, но наместо тоа, ги бакна вратите на неговата резиденција во Флорида“, вели Хелез.

„И мене би ми се слошило ако ме избркаат и исфрлат од САД“, додава министеорт.