Фото: Аеродромски Муабети
Жителите на општина Аеродром сè почесто го искажуваат своето незадоволство преку социјалните мрежи, укажувајќи на сериозен недостаток на основно одржување на јавните површини.
На споделените фотографии на Фејсбук јасно се гледа запуштена и висока трева, особено во паркот каде што, како што велат граѓаните, би требало безбедно да играат деца. Слична слика може да се забележи и на Булевар АСНОМ, непосредно пред една од станбените згради, каде зеленилото е оставено без соодветна грижа.
Загрижените жители апелираат до локалната самоуправа да преземе итни мерки и да ги ангажира надлежните комунални служби за косење и уредување на зелените површини. Според нив, занемарувањето на овие обврски не само што го нарушува изгледот на урбаната средина, туку претставува и потенцијален ризик за здравјето и безбедноста на граѓаните.
