Маск: Одиме на Марс, животот на Земјата ќе исчезне

Извршниот директор на „SpaceX“, Илон Маск, повторно ја истакна својата долгорочна цел – создавање на човечка колонија на Марс – нарекувајќи ја оваа мисија суштинска за опстанокот на човештвото. Неговиот фокус на меѓупланетарниот живот станува сè појасен, особено сега кога неговото учество во програмите за подобрување на владиниот систем е при крај.

„Марс претставува форма на осигурување за човечкиот вид. Сонцето нема да трае вечно – со текот на времето ќе се прошири и ќе ја уништи секоја форма на живот на Земјата. Затоа, ако сакаме да ја зачуваме цивилизацијата, ќе мора да се прошириме надвор од нашата планета“, изјави Маск во интервју за „Fox News“.

Но неговата визија оди далеку подалеку од симболично слетување. Маск не сака Марс да биде само сцена за ставање знаме и оставање отпечатоци од човечки стапала.

Фото: Принтскрин