(Видео) Свеќа стои исправено под вода на манастир, а иконите стари со векови се недопрени

По пауза од осум месеци, нуркачко-спасувачкиот клуб „Борац“ од Чачак се врати во длабочините на вештачкото езеро Ровни, лоцирано во близина на Ваљево. Повторната експедиција беше организирана со цел да се истражи потопената црква Свети Архангел Михаил во селото Тубравиќ, објект кој со години буди голем интерес во јавноста поради неговата историја и симболика.

Црквата, позната и како „Ваљевска Грачаница“, беше потопена пред седум години како последица од изградбата на браната и создавањето на акумулацијата.

Додека при претходната посета нуркачите снимија импресивни кадри од надворешноста на храмот, овој пат нивната мисија беше значително поамбициозна – истражување на внатрешноста на ова заборавено светилиште, скриено на длабочина од околу 18 метри.

Најстариот напис за црквата е од 16 век, која најверојатно била опусстошена во периодот меѓу 17 и 18 век, но потоа повторно била обновена на почетокот на 19 век.