„Македонија е земја во која никогаш не би се вратила“, вели девојка која посетила најмногу држави во светот

Софија Ли, 19-годишна авантуристка од Аљаска, е на пат да стане најмладата жена која ќе влезе во Гинисовата книга на рекорди за најмногу посетени држави.

И покрај младите години, зад себе има неверојатно искуство – досега ја има обиколено 107 земји низ сите континенти, што ја прави вистинска инспирација за многу млади луѓе ширум светот.

Иако патувањето за неа е извор на возбуда, откривање нови култури и создавање пријателства, не секое искуство ѝ било пријатно. Во едно неодамнешно интервју за американски медиум, Ли откри дека меѓу државите кои оставиле најслаб впечаток врз неа се Македонија и Белгија.

Без да навлегува во детали, таа изјави дека тие биле места што не би ги посетила повторно. Коментарот брзо привлече внимание и предизвика бројни реакции, особено на социјалните мрежи, каде што дел од корисниците ја критикуваа за генерализација, додека други ја повикаа да објасни што конкретно ѝ пречело.