Фото: Принтскрин
Утринава во Скопје за влакно беше избегната трагедија, откако избувнаа два пожара за кои постои сомневање дека се намерно предизвикани. Првиот пожар избил во семејната куќа на покојниот Зоран Фаци во Катланово, а вториот во стан во населбата Ново Лисиче, каде што моментално престојуваат неговите внуци и сестра.
Станарите на зградата во Ново Лисиче, која се наоѓа во непосредна близина на основното училиште „Лазо Ангеловски“, реагирале навремено и со помош на пожарникарите успеале да го спречат ширењето на огнот, со што била избегната поголема хаварија.
Случајот предизвика голема вознемиреност меѓу жителите на двете локации. Според објавите на социјалните мрежи од Стефан Лазаров, сомнението паѓа на таткото на децата – зетот на покојниот Зоран Фаци, кој наводно стои зад подметнувањето на двата пожара.
