Македонија сериозно ја засилува казнената политика за сообраќајните прекршоци, правејќи значителен чекор кон усогласување со европските стандарди. Новите измени предвидуваат построги мерки не само за возачите на автомобили, туку и за моторџиите, велосипедистите, корисниците на електрични тротинети, како и за пешаците.
Еден од најстрого санкционираните прекршоци ќе биде минувањето на црвено светло. Покрај парична казна од 300 евра, прекршителите ќе се соочат и со одземање на возачката дозвола во траење од најмалку три месеци.
Дополнително, во новите прописи се воведуваат казни за возачи на мотори, велосипеди и електрични тротинети кои за време на возење користат мобилен телефон, слушалки или паметен часовник. За овој прекршок ќе се изрекува глоба од 50 евра. Истото правило важи и за пешаците, но кај нив казната ќе изнесува 40 евра.
