Фото: Принтскрин
Невена Нешкоска, заедно со нејзиниот брат Наум и сестрата Калина, ќе бидат дел од една од најновите епизоди на култната анимирана серија „The Simpsons“, која ќе ја носи насловот „Abe League of Their Moe“.
Како што објави Невена на својот Фејсбук профил, креаторите на „The Simpsons“ одлучиле да внесат нов лик — талентиран бејзбол играч кој пристигнува во Спрингфилд како вистинска сензација од Македонија, со цел да го засили локалниот бејзбол тим.
Говорејќи за своето искуство во процесот, Невена објасни: „Учествувавме во преведувањето на делови од епизодата; јас лично имав консултантска улога. Заедно со мојот брат и сестра, испеавме и песна што ја адаптиравме од англиски на македонски јазик.“
