Фото: Принтскрин
На плоштадот Свети Петар во Ватикан, денеска точно во 10 часот по локално време, започна погребната церемонија за папата Франциск, кој почина во понеделникот на 88-годишна возраст.
Светата миса ја предводи кардиналот Џовани Батиста Ре, декан на Колегиумот на кардиналите, кој ја исполнува последната желба на папата — церемонија да биде скромна, но достојна за неговото животно дело.
Настанот го следат илјадници верници, а камерите пренесуваат слики од плоштадот преполн со луѓе кои дојдоа да му оддадат последна почит. Меѓу присутните се бројни светски лидери и високи претставници од различни држави.
