На профилот на медиумот „Портал.мк“ беше објавено видео од експресниот пат Штип – Кочани, кој е познат како еден од патиштата со најголема смртност поради опасното возење на дел од учесниците во сообраќајот.
Токму снимката објавена на нивниот профил докажува како возат некои возачи и ја загрозуваат безбедноста на останатите. Видеото е со описот „Македонијо, какви камикази те газат“.
Позагрижувачки е тоа што голем број од корисниците на Инстаграм го оправдуваат ова дивеење по патот затоа што бил „експресен пат“, односно според нив „брз пат“ и требало да се вози по десната лента, која всушност е за запирање, затоа што има возачи кои сакаат да претекнуваат останати возила со многу поголема брзина од дозволената.
Чисто за информација на тие кои го оправдуваат загрозувањето на опасноста на останатите возачи, а бевме сведоци во изминатиот период и на трагедии на истиот пат, да си ја прочитаат дефиницијата за тоа што е „Експресен пат“. Тоа не е пат на кој возите со брзина од 200 км/ч, туку според пропишаната на знаците поставени на истиот.
„’Експресен пат’ е јавен пат кој е специјално изграден и наменет исклучиво за сообраќај на моторни возила, означен со пропишан сообраќаен знак, со најмалку по една лента за секоја насока и лента за застанување, на кој сообраќајот може да се вклучи, односно исклучи само на одредени и посебно изградени приклучоци и кој е заштитен од пристап надвор од овие површини“, се вели во законот за јавните патишта, член 4.
