Фото: Социјални мрежи
На 2 декември 2022 година, младата Ивана Кривокапиќ трагично го загуби животот, оставајќи зад себе незалечлива болка во срцето на нејзиниот татко, кој и по изминати речиси три години не може да се помири со нејзиното заминување.
– Луѓето ми велат дека животот продолжува, но не разбираат дека тоа е најтешкиот дел. Во мислите ми се вртат моменти што никогаш не ги доживеавме – последната прегратка, последниот бакнеж… Замина без да се поздравиме како што доликува. Тоа „се гледаме наскоро, тато“ – го чувствувам како да одекнува засекогаш. Денот се претвори во ноќ – напиша нејзиниот татко со скршено срце.
Осомничениот за бруталното убиство, Јетмир Гочај од Црна Гора, и натаму е недостапен за органите на прогонот, иако од трагедијата поминаа повеќе од две и пол години. Убиството се случило во стан на подрачјето на Ѕвездара, Србија.
На 24 декември 2022 година, нејзините браќа, загрижени што не одговарала на повиците, насилно ја отвориле вратата од станот. Во внатрешноста ја затекнале Ивана без знаци на живот – на кревет, со подздигната блуза и откопчани панталони. Видливи биле модрици на вратот, повреди на лицето и рацете, што укажува на очајничка борба со напаѓачот.
