Годината 2030 се наметнува како реален временски хоризонт за нов бран на проширување на Европската унија – процес кој, според експертите, е остварлив и за Македонија, под услов да продолжи со доследна примена на реформите и исполнување на поставените европски стандарди.
Овој став го изнесе поранешниот главен преговарач на Хрватска со ЕУ и актуелен експерт на УНОПС, кој нагласи дека европската интеграција е резултатски базиран процес во кој напредокот зависи исклучиво од спроведените обврски и конкретни резултати.
„Очекуваме со голем интерес нова етапа на проширување до 2030 година, но мора да се има предвид дека таа година не е толку далеку – таа буквално ни доаѓа. Затоа, пред земјите-кандидати стои сериозна и обемна работа. Сепак, со фокусирана работа и јасна политичка волја, оваа цел е апсолутно достижна“, изјави Дробњак.
