Фото: Принтскрин
Шеесет и шестгодишен маж од Германија заврши со сериозни повреди по несекојдневен обид да побегне од својата сопруга, која неочекувано го затекнала во хотелска соба со љубовница. Инцидентот се случил во петокот, во градот Равенсбург, а полицијата ја објави веста во саботата.
Според наводите, мажот се нашол во непријатна ситуација кога неговата сопруга започнала упорно да тропа на вратата од хотелската соба каде што се наоѓал со друга жена. Во обид да избегне директен судир и да не биде откриен, решил да импровизира филмско бегство – врзал два чаршафи и се обидел да се спушти од прозорецот на четвртиот кат.
Но, планот не му успеал. Чаршафите не издржале или тој се лизнал при спуштањето, па паднал од значителна височина и завршил на настрешница под хотелот. Итната медицинска помош брзо реагирала и го префрлила повредениот во болница, каде што му била укажана неопходна грижа.
