Стигнаа тажни вести од Ватикан – папата Франциск почина по долготрајна борба со тешката болест. Католичкиот свет е во жалост, а Ватикан ги подготвува протоколите за негово испраќање и изборот на нов поглавар на Римокатоличката црква. Се очекува Италија да прогласи денови на жалост, а Рим да стане центар на светските настани во наредните денови.
Во наредните денови, низ цела Италија ќе бидат спроведени строги безбедносни мерки, со засилено полициско присуство во големите градови и околу значајните католички храмови. Можно е затворање на улици, измена на сообраќајните режими и зголемени контроли на железничките станици и аеродромите.
Јавниот превоз низ Италија може да биде преоптоварен, особено на линиите кои водат кон Ватикан и поголемите католички центри. Поради очекуваниот голем прилив на верници, аеродромите ќе работат под посебни мерки, а летовите кон Италија може да бидат преполнети.
Се очекува големо влијание врз туристичкиот сектор, со можни затворања на некои културно-историски знаменитости, како и зголемување на цените на хотелите и авионските билети. Покрај тоа, во одредени делови на Италија, можни се ограничувања на јавните настани и откажување на фестивали и концерти во знак на жалост.
Туристите кои моментално престојуваат во Италија треба да бидат подготвени за засилени безбедносни проверки, сообраќаен хаос и евентуални промени во своите планови.
