Фото: Принтскрин
Папата Франциск, духовниот водач на Римокатоличката црква, 226-тиот бискуп на Рим и суверен на државата Ватикан, почина на 88-годишна возраст, оставајќи зад себе длабока духовна и човечка оставнина.
Тажната вест беше објавена од кардиналот Кевин Фарел, кој во својата изјава изрази сочувство и болка за загубата што ја потресе католичкиот свет и пошироката верска заедница.
„Драги браќа и сестри, со длабока тага ве известувам дека нашиот возљубен Свет Отец, папата Фрањо, утрово во 7:35 часот по локално време, премина во вечниот дом на Небесниот Отец. Тој целиот свој живот го посвети на служење на Бога, на Црквата и на луѓето ширум светот“, изјави кардиналот.
