Фото: Принтскрин
Во пресрет на велигденските празници, инспекциските служби на Агенцијата за храна и ветеринарство (АХВ) спроведоа вкупно 617 вонредни контроли со цел зајакната заштита на јавното здравје и обезбедување безбедна храна за потрошувачите.
Како резултат на овие засилени проверки, биле откриени низа неправилности кај различни оператори со храна. За нивно навремено отстранување, Агенцијата издала 44 административни решенија. Покрај тоа, поради сериозни прекршувања – вклучувајќи пуштање во промет на небезбедни производи и други поголеми отстапувања – изречени се и 30 прекршочни казни во вкупна вредност од 25.400 евра (во денарска противвредност).
Како дополнителна мерка за заштита на потрошувачите, АХВ организираше нештетно уништување на 1.740 килограми небезбедна храна, која не ги исполнувала законските критериуми за квалитет и безбедност.
