Нов протестен марш во Кочани на семејствата на настраданите во „Пулс“

Во Кочани денеска, точно во 12:05 часот, е најавен уште еден протестен марш организиран од страна на семејствата на младите кои трагично го загубија животот во пожарот што избувна во дискотеката „Пулс“.

Маршот ќе започне од Градскиот парк, а учесниците ќе се движат по главните улици во правец кон Општина Кочани и Полициската станица.

Со ова, семејствата уште еднаш ќе го изразат своето незадоволство од, како што велат, бавната и неефикасна реакција на надлежните институции, која според нив, придонела кон размерите на трагедијата.