Фото: Принтскрин
Еден од поранешните команданти на полициската станица во Кочани, кој ја извршувал таа функција во моментите кога избувна трагичниот пожар во дискотеката „Пулс“, е меѓу седумтемина полициски службеници кои вечерва биле приведени.
Според извори од Министерството за внатрешни работи за телевизијата „24“, приведувањата се дел од проширената истрага што се води по настанот кој ја потресе јавноста.
Како што објави државниот јавен обвинител Љупчо Коцевски, издадена е наредба за приведување на вкупно седум високи полициски претставници. Сите тие, според најавите, ќе бидат изведени пред судија.
