Трамп не му остана должен на Бајден: Заспаниот Џо е најлош претседател во историјата

Американскиот претседател Доналд Трамп денеска повторно упати жестока критика кон неговиот претходник, Џо Бајден, нарекувајќи го „најнеспособниот лидер во историјата на САД“ и обвинувајќи го дека со своите политики овозможил влез на голем број опасни поединци во земјата.

„Заспаниот Џо Бајден, најлошиот претседател што некогаш го имала Америка, им овозможи на милиони криминалци – вклучувајќи убиствачи, нарко-дилери и лица ослободени од затвори и психијатриски институции низ светот – да преминат во САД преку неговата катастрофално отворена и небезбедна гранична политика“, напиша Трамп на неговата социјална мрежа „Truth Social“.

Ова е уште една во низата остри изјави на Трамп во насока на критика на имиграциската политика на Бајден.