Возел пијан и без возачка, па удрил во бензинска и ги лажел полицајците дека работи во АНБ

Ноќеска по полноќ во скопската населба Аеродром се случила сообраќајна несреќа во која 31-годишен жител на Крива Паланка со иницијали Б.Р. изгубил контрола над возилото и удрил во бензинска пумпа на булеварот „Србија“. По инцидентот, тој се обидел да ги измами надлежните, тврдејќи дека наводно е вработен во Агенцијата за национална безбедност.

„Управувајќи патничко возило „хјундаи“ со скопски регистарски ознаки, удрил во објект на бензинска пумпа на булеварот. Додека, по преземени мерки било констатирано дека возилото го управувал без возачка дозвола, дека е под дејство на алкохол, односно дека му биле измерени 2,14 промили алкохол во крвта и дека лажно се претставил како вработен во АНБ“, соопшти МВР.