Фото: Принтскрин
Со радост и великодушност во срцето, по повод големиот христијански празник Велигден, „Gjomleze Struga“ започнува хумана иницијатива исполнета со љубов и грижа за другите.
„Gjomleze Struga“ подготви 1000 парчиња вкусно, домашно ѓомлезе – по 20 парчиња за секое од 50 семејства кои се соочуваат со тешкотии и не можат да си дозволат празнична трпеза.
„Ѓомлезе со љубов!
По повод големиот христијански празник Велигден, со љубов и добрина од срце подготвуваме и донираме домашно ѓомлезе од 1000 парчиња за 50 фамилии по 20 парчиња за семејства кои не можат да си дозволат.
Со оваа хуманитарна акција сакаме да внесеме топлина и радост во домовите на тие што најмногу имаат потреба.
Ако знаете семејство што има потреба, слободно контактирајте не во порака!
Ѓомлезето ќе се дели во сабота и недела!
Да даруваме со срце – затоа што добрината се множи кога се споделува“, се вели во објавата.
