Во знак на длабока почит кон жртвите од трагичниот пожар што се случи во дискотеката „Пулс“ во Кочани, Казнено-поправната установа „Скопје“ во Шуто Оризари создаде симболичен спомен-простор кој ќе сведочи за нивната загуба.
Во дворот на установата е поставено уметничко обележје со емотивна симболика – срце во боите на македонското знаме, опкружено со 61 роза, колку што е и бројот на жртвите од несреќата.
Просторот е уреден со помош на штитениците, во организација на директорот на затворот Бобан Утковски и неговиот тим.
