Фото: Принтскрин
Македонскиот музичар Раде Врчаковски – Врчак, кој покрај долгогодишната уметничка соработка е и близок пријател на членовите на групата ДНК, се огласи по трагичниот настан што ја потресе јавноста. Станува збор за несреќата што се случи во дискотеката „Пулс“ во Кочани, каде животот го загубија повеќе негови пријатели.
Со голема болка, но и со храброст, Врчак сподели свои зборови на сочувство и поддршка за семејствата на настраданите, изразувајќи ја својата длабока тага за загубата на луѓе со кои делел спомени, музика и пријателство.
„Јас и Андреј (2025). Да е вечен низ бесконечноста Андреј…. Андреј и Панчо постојано ме молеа да почнам да правам настапи затоа што велат DNK кога имале настапи сите луѓе цело време ме барале – дури и со солзи и плачења
јас им велев да завршам со се за во Америка и може нешто да направиме. Неможев да го одбијам Владимир и настапив на неговиот роденден лани со DNK во Охрид, неможев да ги одбијам и за новогодишната прослава, и неможев како другар да ги одбијам за затварање на Станица 26 каде Панчо работел (велам не ме ставајте во реклама да не случајно стане ептен хаос и доаѓам)… тоа беа моите последни настапи со Aнедеј. Во душата ми е Андреј, Андреј секогаш ќе е жив во нас“, објави Врчак.
