Фото: Принтскрин
Во Основниот кривичен суд во Скопје денеска започна сведочењето на Љупчо Палевски, кој се води како првообвинет во шокантниот случај за киднапирањето и убиствата на малолетната Вања Ѓорчевска и велешанецот Панче Жежовски.
На почетокот од своето обраќање пред судскиот совет, Палевски изјави дека не се чувствува ниту како „монструм“ ниту како „убиец“, категорично негирајќи каква било вмешаност во трагичните настани. Тој истакна дека не ги организирал, ниту извршил грабнувањата и убиствата, кои длабоко ја потресоа јавноста.
„Не сум ги извршил убиствата, ниту грабнувањата. Едноставно немам мотив за тоа, затоа што во депото на Основното јавно обвинителство, се наоѓа хард диск Тошиба кој го одземаа со записник во кој има преку 200 илјади телефонски разговори, гнасотии на оваа политичка елита, но и на новинарската професија и доколку сум сакал да реализирам какво било користољубие сум можел да уценувам милијардери со Ферари и останати, но, ете, тоа не сум го направил. После една и пол година од наастнаот не пости наслов во медиумите каде монструмот го посочува оружјето со кое постои веројатност да биде сторено ова кривично дело. Јас сум под линч од портали кои се под контрола на ВМРО-ДПМНЕ и СДСМ“, вели Палчо.
