Фото: Принтскрин
Регулаторната комисија за енергетика и водни услуги информираше дека од вечерва на полноќ стапуваат на сила нови, намалени малопродажни цени на одредени видови гориво.
Според најновата одлука, цените на ЕУРОСУПЕР БС-98, ЕУРОДИЗЕЛ (Д-Е V), како и на екстра лесното масло за домаќинство (ЕЛ-1), се намалуваат за 0,50 денари по литар. Така, од утре на бензинските пумпи низ државата:
- ЕУРОСУПЕР БС-98 ќе се продава по 71,50 денари за литар,
- ЕУРОДИЗЕЛ (Д-Е V) и ЕЛ-1 ќе чинат по 64,00 денари за литар.
Во меѓувреме, цената на ЕУРОСУПЕР БС-95 останува непроменета и ќе продолжи да се продава по 73,50 денари за литар.
Дополнително, Регулаторната комисија објави дека цената на мазутот М-1 НС е намалена за 0,716 денари, при што еден килограм од ова гориво ќе чини 36,992 денари.
