Фото: Принтскрин
Во емоционален момент, за време на изборот на вршител на должноста градоначалник на Општина Кочани, советничката од редовите на ВМРО-ДПМНЕ, Кристина Атанасова-Арсова, објави дека поднесува оставка од својата функција.
Со солзи во очите, Атанасова-Арсова упати јавно извинување до граѓаните кои ѝ ја довериле својата поддршка, истакнувајќи дека многу од идеите и иницијативите за кои се залагала останале нереализирани.
„Сакам да побарам прошка од сите кои гласаа за мене. Многу работи што беа важни за мене и за граѓаните, не добија поддршка.Јас во оваа прилика сакам да ја доставам мојата оставка за советник до претседателот на Советот, Ова е страшно недостојно и понижувачки за мене и за сите кои ме гласале. Оние кои не ме знаат можат да ме критикуваат, а оние кои ме знаат ќе знаат зошто го правам тоа. Јас во иднина ќе се посветам на моето дете кое е повредено и на сите деца кои се повредени. Сите идеали на овој свет не вредат колку солзите на едно дете“, кажа советничката.
