Фото: Принтскрин
Министерот за внатрешни работи, Панче Тошковски, денеска (13 април 2025 година) на заедничка прес-конференција со државниот јавен обвинител Љупчо Коцевски, потврди дека Основното јавно обвинителство во Кочани, во координација со Министерството за внатрешни работи, ја проширило истрагата за трагичниот пожар во дискотеката „Пулс“, опфаќајќи нови 19 лица осомничени за различни пропусти и одговорности.
„Испраќам јасна и недвосмислена порака до сите граѓани на Македонија – заврши времето кога вината се префрлаше на пајакот или кабелот. Денес имаме институции што дејствуваат со јасна намера и решителност, а граѓаните сами можат да направат разлика меѓу она што се правело во минатото и она што денес реално се презема“, изјави Тошковски.
