Фото: Принтскрин
Вкупно тринаесет јавни обвинители се ангажирани на предметот поврзан со трагичниот пожар во ноќниот клуб „Пулс“ во Кочани, информираше Републичкиот јавен обвинител Љупчо Коцевски. Истрагата опфаќа широк спектар на лица – од сопственици и менаџери на локалот, до лица кои користеле пиротехника, како и членови на обезбедувањето.
Коцевски посочи дека сериозни пропусти во работењето на институциите овозможиле објектот да функционира без исполнување на основните безбедносни стандарди. Поради овие пропусти, под сомнение се и поранешни и актуелни директори, инспектори, ексминистри, како и претходни градоначалници.
„За 19 новоосомничени лица се поднесени барања за различни мерки на обезбедување. За четворица се бара притвор, за седуммина – куќен притвор комбиниран со забрана за контакт со други инволвирани, а за уште седум лица се предложени мерки на претпазливост. Еден од осомничените се наоѓа надвор од државата“, изјави Коцевски.
