Државниот јавен обвинител Љупчо Коцевски, заедно со министерот за внатрешни работи, денеска одржа заедничка прес-конференција на која ги соопшти најновите детали поврзани со истрагата за трагичниот пожар во дискотеката „Пулс“ во Кочани.
Како што информираше Коцевски, истрагата е проширена и сега опфаќа дополнителни 19 лица, за кои постои основано сомнение дека придонеле клубот да функционира надвор од законските рамки.
Тој нагласи дека во истрагата не е опфатен актуелниот министер за економија, бидејќи, според прибраните докази, сопственикот на клубот воопшто не покренал формална постапка за добивање лиценца кај надлежното министерство во неговиот мандат.
