Фото: Димитар Апасиев
Лидерот на политичката партија Левица, Димитар Апасиев, го изрази своето зачудување во врска со судската постапка против возачот Менсур Пајазити, кој во 2022 година ја прегази и усмрти 22-годишната Теодора Ристовска од Тетово.
Според Апасиев, останува нејасно и загрижувачко тоа што низ целиот тек на предметот – сè до донесувањето на конечната пресуда со која Пајазити доби казна затвор од две години – со случајот раководеле исклучиво судии и обвинители со албанска етничка припадност.
„ТИРАНИЈАТА НА МАЛЦИНСТВОТО in praxis
Елзими + Хајдари + Рустеми + Мурати + Ферати (+ Пајазити) и “пресудија” на прегазената млада девојка на пешачки ТЕОДОРА Ристовска од Тетово!?
Чекај, чекај… Во мојов професионален живот имам учествувано во преку 600 спорови и постапки од најразличен вид. Речиси и да немало случај каде барем еден или двајца членови на судечките совети не биле судии Албанци (не навлегувам во нивната “стручност”, со купените дипломи од Приштина и сертификатите за англиски од Драч).
Па, нели бе “духот на Рамковниот” беше да нема надгласување и МАЈОРИЗАЦИЈА по етничка основа! Тогаш зошто во случајот на прегазената млада Македонка од Тетово немало ама баш ниту еден судија/обвинител Македонец?
Не велам дека тогаш би се постигнала Правдата, оти корумпираните си се корумпирани без оглед на етничката припадност – но, не може она што се применува за една триба (Бадентер), да не се применува за другата триба!? Оти, просто, не е фер! Оти тогаш сме граѓани од втор ред во сопствената држава, чиј живот кошта две години затвор“, објави Апасиев.
