Фото: Принтскрин
Новата владина верзија на потрошувачката кошничка е веќе подготвена и нејзината официјална презентација е најавена за следната недела.
Според надлежните, документот претставува реална пресметка на основните трошоци за живот, а во него нема да бидат вклучени акцизни производи како алкохол, цигари, патувања во странство, ниту пак овошја кои не се карактеристични за дадената сезона – поради нивната класификација како луксузни добра.
Како што информираа од надлежното министерство, покрај медиумската промоција, потрошувачката кошничка ќе биде претставена и на Економско-социјалниот совет (ЕСС) до крајот на месецов, со цел да се обезбеди институционален консензус околу нејзините параметри.
„Во потрошувачката кошничка одморот во странство се смета за луксуз изгледа според политичарите одмор по местата во земјава каде за овие години не успеа никој да го развие туризмот е сосема ок и имаат капацитети да не соберат сите. Потоа овошје што не е сезонско е луксуз, освен за нив, манго и папаја е сосема нормално да се набавува во влада бидејќи тоа е сезонско и расте кај Валандово. Така да, ако се сведе кошничката на леб, вода, сол и сеа ќе видиме дали конзерва или смрзнат грашок и уште нешто, ќе видите дека на Македонецот му е сосема супер живеачката и не сме ние сиромашни и цените високи туку сме трошаџии. Нема што да идеме у странство на одмор, ене ја Треска шо и фали“, објави Ина Многуфина.
