Судскиот совет „пресече“: Одлуката за возачот кој ја прегази Теодора е законска

Менсур Пајазити, кој во 2022 година со своето возило ја усмрти 22-годишната Теодора Ристовска во центарот на Тетово, ќе издржи казна затвор од само две години, откако Апелациониот суд во Гостивар ја намали првичната пресуда од три и пол години.

Намалувањето на казната произлегло од необичен пресврт во постапката – иако обвинителката Вјолца Елмази првично се спротивставила на жалбата на одбраната, таа на јавната седница го променила своето мислење и предложила поблага санкција за обвинетиот.

Апелациониот суд одлучил во согласност со член од Законот за кривична постапка, кој предвидува дека доколку жалбата е поднесена единствено во корист на обвинетиот, казната не смее да биде зголемена, туку евентуално намалена или потврдена.

Како резултат на тоа, дури и при повторното судење пред Основниот суд во Тетово, судијата Ељведин Ферати бил законски обврзан да ја изрече истата, веќе намалена казна.