Фото: Принтскрин
Присуството на глушец во просториите на Основното училиште „Панајот Гиновски“ во општина Бутел предизвика загриженост кај родителите на учениците, кои бараат објаснување и брза реакција од надлежните.
По оваа случка, со изјава излезе и градоначалникот на Бутел, Дарко Костовски, кој потврди дека се работи за изолиран случај на појава на глодар, што, според него, е резултат на тековните градежни активности во непосредна близина на училиштето.
„Во училиштето е извршена дератизација, дезинфекција и дезинсекција уште пред почетокот на учебната година. Без потребно се крева паника и ова е политички монтирано од ДУИ, но нема да им успее. Се појавил глушец како и во други државни институции, но не се прави паника. Тука пробува ДУИ да ја претвори својата неспособност во политика, но нема да им успее во Бутел“, кажа Костовски.
