Фото: Принтскрин
Нов трагичен биланс од несреќата што ја потресе Доминиканската Република – најмалку 221 лице го загубија животот во уривањето на покривот на ноќниот клуб „Џет Сет“ во Санто Доминго, потврдија локалните власти.
Потрагата по исчезнатите лица сè уште трае, додека спасувачките тимови продолжуваат со напорите да ги пронајдат сите заробени под урнатините.
Според извештајот на агенцијата Ројтерс, досега се спасени близу 200 лица, кои биле извлечени живи од остатоците на објектот во текот на вторникот.
Хуан Мануел Мендез, директор на Центарот за вонредни ситуации, соопшти дека најголемиот дел од објектот е веќе детално пребаран, но дека останува уште еден мал сегмент кој треба да се провери. Како што пренесува агенцијата АП, во наредните часови ќе се вложат дополнителни напори за целосно расчистување на теренот и евентуално пронаоѓање на преживеани.
