Фото: Пожарна Скопје
Попладнево во близина на Психијатриската болница во Бардовци избувна пожар на отворен плац каде што биле сместени стари, нерегистрирани возила.
Според информациите од скопската Противпожарна бригада, огнот зафатил пет возила, но за среќа, нема повредени лица.
Благодарение на навремената интервенција на четири противпожарни возила и ангажирани десет пожарникари, пожарот бил локализиран и целосно изгаснат за кратко време.
