Четворица од повредените во Кочани заминуваат од болницата во Бугарија

Поминаа речиси четири недели од трагичниот настан во дискотеката во Кочани, а процесот на лекување и опоравување на повредените сè уште трае.

Дел од пациентите се згрижени во странство, каде продолжуваат со медицинска грижа и рехабилитација. Според најновите податоци, вкупно 64 лица сè уште се на лекување надвор од земјата.

Денеска, четворица од повредените што беа хоспитализирани во болницата „Пирогов“ во Софија, Бугарија, ќе бидат испишани и ќе се вратат во Македонија. Истовремено, уште четворица пациенти ќе останат таму на понатамошен медицински третман.