Фото: ЈСП
На денешната владина седница беше донесена одлука за отпочнување на процесот за доделување повеќегодишен договор за јавна набавка на 120 еколошки автобуси наменети за унапредување на јавниот градски превоз.
Со оваа иницијатива, Владата има за цел да го поттикне користењето на еколошки прифатливи транспортни решенија, кои ќе придонесат за подобра животна средина и поквалитетен јавен превоз во урбаните средини.
Министерството за транспорт и врски е задолжено да ја спроведе постапката за јавна набавка, согласно законските процедури и принципите на транспарентност и ефикасност.
Како што информираат од владината прес-служба, дистрибуцијата на новите автобуси ќе се врши врз основа на итноста на потребите, економската исплатливост и реалната состојба во секоја општина.
