Трендафилов: Имам плата од 60.000 денари, за тие пари ја ставам главата во торба

Претседателот на Сојузот на синдикати на Македонија (ССМ), Слободан Трендафилов, во гостувањето во вечерашната емисија „Топ Тема“ на ТВ Телма, отворено зборуваше за своите примања.

Тој откри дека неговата плата изнесува 60.000 денари, со што стави крај на шпекулациите околу висината на неговите приходи.

„Поединци во ВМРО-ДПМНЕ кажуваат дека со 60.000 денари, претседателот на ССМ се луксузира, не знам што прави. За 60.000 денари си ја ставам главата во торба за борба за подобри плати на работниците. Кога видоа дека нема никаков контраефект, кон ССМ и кон мене како личност, излегоа на телевизија и кажаа да платата ми била 75.000 денари и сум имал некакви приходи од неколку милиони денари, па си ги собираат, за 12, за 18 месеци и слично“, кажа Трендафилов.