На социјалните мрежи се појавија драматични снимки од спасувањето на две девојчиња кои беа извлечени од урнатините по катастрофалниот земјотрес што ја погоди југоисточноазиската држава Мјанмар.
На видеото, кое го објави „Скај њуз“, се гледаат две девојчиња на возраст од 13 и 16 години, како и нивната баба, заробени меѓу урнатините откако разорниот потрес со јачина од 7,7 степени според Рихтеровата скала ја погоди земјата.
