Министерката за образование и наука, Весна Јаневска, денеска потврди дека во април ќе се реализира зголемување на платите за 7 проценти во секторот образование.
Ова покачување нема да се однесува само на наставниот кадар, туку и на сите останати вработени во основните и средните училишта.
„За жал, на социјалните мрежи се појавија шпекулации дека нешто не е во ред со ова покачување. Сакам јасно да потенцирам дека тие тврдења не се точни. Одговорно тврдам дека, како и претходните години, наставниците ќе добијат зголемена плата во април, согласно предвидените 7 проценти“, истакна министерката Јаневска, одговарајќи на новинарско прашање пред почетокот на третиот Женски Економски Форум во Скопје.
