Борче Јованчевски успеал да се извлече од пожарот во Кочани, но не останал на безбедно. Наместо тоа, храбро се вратил назад за да помогне во спасувањето на младите кои останале заглавени во паниката што настанала по избувнувањето на огнот во дискотеката „Пулс“.
Во драматичните моменти, додека луѓето се обидувале да излезат од запалената зграда, настанало стампедо, што дополнително ја отежнало евакуацијата.
За платформата supportkocani.com, тој ја сподели својата потресна приказна за трагичната ноќ, опишувајќи ги моментите на хаос, страв, но и солидарност кои го одбележаа настанот.
