Со едноминутна тишина на почетокот и аплауз на самиот крај, беше одбележана комеморативната свеченост во чест на професорката Сара Пројкоска, која трагично го загуби својот живот во кобниот пожар што ја зафати дискотеката „Пулс“ во Кочани.
Особено емотивен момент беше интерпретацијата на актерката Биба Додева, која прочита поема напишана специјално за Сара од поетесата Ана Бунтевска. Во стиховите, Сара беше опишана како личност со насмевка што ја крие болката, но која неизмерно го љубеше животот, своето семејство и луѓето околу себе, оставајќи трага во срцата на сите што ја познаваа.
