Иван Нисов, еден од повредените во трагичниот пожар во дискотеката „Пулс“ во Кочани, се огласи преку видео повик и ја сподели својата здравствена состојба со јавноста.
Нисов во моментов е на лекување во Полска, каде, како што истакна, неговата состојба е стабилна и чувствува подобрување. Тој објасни дека на почетокот имал сериозни проблеми со дишењето, но благодарение на терапијата и грижата на лекарите, ситуацијата е под контрола.
Според информациите што му ги соопштиле лекарите, неговите внатрешни органи се прочистени, но закрепнувањето сè уште трае. Нисов продолжува да прима кислородна терапија, инхалации, инфузии и терапија за целосно опоравување.
