Драма се одвиваше денеска во центарот на Тузла, откако припадници на полицијата интервенираа во обид да приведат сомнително лице кое, бегајќи од нив, влегло во надојдените води на реката Јала.
Според информациите од Министерството за внатрешни работи на Тузланскиот кантон, полицајците биле принудени да влезат во реката по лицето, бидејќи постоела сериозна опасност да се удави.
„На 27.3.2025 година, околу 10.30 часот во Тузла, полициски службеници забележале возило кое со своето движење ги загрозувало другите учесници во сообраќајот и се обиделе да го сопрат. Во возилото имало две лица со сомнително однесување кои се оглушиле на наредбата да сопрат и продолжиле да се движат, по што полицајците тргнале по нив“, соопшти полицијата.
Еден полицаец е спасен, додека вториот заедно со осомничениот се исчезнати, пишува хрватски „Индекс“.
